Кравјо или козјо млеко
Најдобро е до една година детето да консумира само мајчино млеко. Покасно консумирањето на козјо млеко е подобро и  има голема предност над кравјото. Млечната маст во козјото млеко се содржи од 2,5 до 4 отсто и тоа во форма на масни глобули , кои обезбедуваат подобра хидролиза на масните киселини и придонесува за полесна сварливост во однос на кравјото млеко, што е особено важно во исхраната на децата кои имаат мала апсорпција. Млечната маст од козјото млеко брзо се разградува, подобро се апсорбира во дигестивниот систем и потребни се 40 минути да се апсорбира т.е. да се свари, а кравјото млеко се вари и по два и пол часа. Потоа козјото млеко дава добри резултати и при лечење на срцеви заболувања, детска епилепсија, болести на жолчката, фиброзни цисти и друго. Децата што се хранат со козјо млеко подобро напредуваат (побрз раст), поголема телесна маса и подобра минерализација на коските во однос на децата што се хранеле со кравјо млеко.
Млечната маст од козјото млеко содржи линолна киселина за која е докажано дека поседува антиканцерогено дејство, а содржи и помалку холестерол.
Според протеинскиот состав козјото и кравјото млеко се слични, разлики има во аминокиселинскиот состав. Протеините од козјото млеко се полесно сварливи од оние на кравјото и апсорцијата на аминокиселините е многу поефикасна.
Козјото млеко содржи помалку лактоза од крајото и е предност за децата кои не поднесуваат лактоза. Интолеранција на лактоза е состојба која настанува какао последица на неапсорбираната лактоза. Козјото млеко содржи олигосахариди кои влијаат противвоспалително и го олеснуваат варењето.
Козјото млеко содржи 13% повеќе калциум, 25% повеќе витамин Б6, 47% повеќе витамин А, 134% повеќе калиум, трипати повеќе ниацин ... Калциумот и фосфорот се особено важни за минерализација на коските на децата.
Уште од времето на Хипократ со сурутка од ова млеко се лекувале болести како бронхопневмонија, жолтица и реума. Во поново време се препорачува како превенција против алергија на некои алергени кои се чести кај бебињата и малите деца. Алергијата на протеини од кравјото млеко може да се манифестира на различен начин и на разни органи. Ако се работи за органите за варење можи да дојди до повраќање, дијареа, болки во стомакот...  При алергија на дишните органи се јавува бронхитис и стеснување на бронхиите и имаме отежнато дишење. Во првите месеци од животот чести се појави на дерматитис, утврдено е дека кравјото млеко било главен причинител на стомачни грчеви кај бебињата до тримесечна возраст. Грчеви се забележани дури и кај бебињата чии мајки пиеле кравјо млеко. Исто тако околу 40% од пациентите осетливи на протеини на кравјо млеко добро го поднесувале козјото и затоа консумирајте козјо млеко во замена на кравјо.